புகை பிடிப்பதால் ஏற்படும் தீமைகள்
புகைத்தல் என்பது ஒரு தீங்கு விளைவிக்கும் பழக்கம், இது உடல் மற்றும் மன ஆரோக்கியத்திற்கு பல தீங்குகளை விளைவிக்கும். புகை பிடிப்பதால் ஏற்படும் சில பொதுவான தீமைகள் இங்கே:
புற்றுநோய்: புகைப்பது பல வகையான புற்றுநோய்களுக்கு வழிவகுக்கும், அவற்றில் நுரையீரல் புற்றுநோய், வாய் புற்றுநோய், தொண்டை புற்றுநோய், பல்லுழைவு புற்றுநோய், உணவுக் குழாய் புற்றுநோய், சிறுநீர்ப்பை புற்றுநோய், சிறுநீரக புற்றுநோய், கருப்பை புற்றுநோய் மற்றும் பிற புற்றுநோய்கள் அடங்கும்.
இதய நோய்கள்: புகைப்பது இதய நோய்களுக்கு வழிவகுக்கும், அவற்றில் மாரடைப்பு, பக்கவாதம் மற்றும் இதய செயலிழப்பு ஆகியவை அடங்கும்.
சுவாச நோய்கள்: புகைப்பது சுவாச நோய்களுக்கு வழிவகுக்கும், அவற்றில் நாள்பட்ட சுவாச நோய், ஆஸ்துமா மற்றும் மூச்சுக்குழாய் அழற்சி ஆகியவை அடங்கும்.
பிற ஆரோக்கியப் பிரச்சினைகள்: புகைப்பது சில பிற ஆரோக்கியப் பிரச்சினைகளுக்கும் வழிவகுக்கும், அவற்றில் பிறப்பு குறைபாடுகள், தோல் வயதானது மற்றும் கருப்பு நிற பற்கள் ஆகியவை அடங்கும்.
புகைப்பது ஒரு தீங்கு விளைவிக்கும் பழக்கம் என்பதை நினைவில் கொள்வது அவசியம். நீங்கள் புகை பிடிக்கிறீர்கள் என்றால், புகைபிடிப்பதை நிறுத்த முயற்சிப்பது முக்கியம். புகைபிடிப்பதை நிறுத்த உதவ பல ஆதாரங்கள் உள்ளன, அவற்றில் மருத்துவர்கள், ஆலோசகர்கள் மற்றும் புகைபிடிப்பதை நிறுத்த உதவும் நிறுவனங்கள் ஆகியவை அடங்கும்.
புகை பிடிப்பதால் ஏற்படும் நன்மைகள்(சிரிப்பதற்கு மட்டும்)
பிறருக்கு உதவும் சந்தோசம் கிடைக்கிறது. தினமும் சிகரெட்டுக்கு செலவளிக்கும் பணத்தில் பெட்டிக் கடைகாரர்கள், பீடி, சிகரெட், தீப்பெட்டி கம்பெனியின் தொழிலாளர்கள், புகையிலை உற்பத்தியாளர்கள் குடும்பத்துக்கு உணவு கிடைக்கும்.
நாட்டுக்கு உதவுகிறீர்கள். சிகரெட்டுகள் மீது விதிக்கப்படும் கணிசமான வரியால் நாட்டுக்கு நன்மை.
நாற்றம் பிடித்த மோசமான சுற்று சூழலில் இருக்க வேண்டி வந்தாலும் ஒரு சிகரெட்டை பற்ற வைத்து புகையால் எல்லா அசிங்கங்களையும் மறைத்து புகை மேகத்துக்குள் இருப்பது. தேவலோகத்தில் இருப்பது போல, மேகத்துக்கிடையேசஞ்சரிப்பது போன்ற அனுபவம் தரும்.
சிகரெட் நெடியால் மோப்ப சக்தி குறைந்து போவதால் சுற்றுப் புறத்தின் எந்த நாற்றமும் மூக்கை உறுத்தாது. வீட்டு சாப்பாட்டில் குறையிருந்தாலும் ஒன்றும் பெரிதாக தெரியாது.
சிகரெட் புகைக்குள் எப்போதும் மறைந்திருந்தால் கடன் காரர்கள் எளிதில் அடையாளம் கண்டு கொள்ள மாட்டார்கள்.
சிகரெட்டைக் கொடுத்து, வாங்கி நட்பை வளர்த்துக்கொள்ளலாம். முன் பின் தெரியாதவர்களுடன் கூட தீப்பெட்டி கேட்டு எளிதில் நட்பு கொள்ளலாம்.
எப்போதும் தீப்பெட்டி அல்லது லைட்டர் வைத்துக் கொண்டிருப்பது இரவு மின்வெட்டு ஏற்படும் போது மிக உதவியாக இருக்கும்.
சுற்றி எப்போதும் புகை பரப்பிக் கொண்டிருப்பதால் கொசுத் தொல்லை அதிகம் இருக்காது. சிகரெட் தயாரிப்பாளர்கள் புகையிலையுடன் கொசு மருந்தையும் கலந்து தயாரித்தால். தனியாக கொசு வர்த்தி வாங்கும் செலவு மிச்சம்.
பிரச்சனைகள் வந்தால் அதை எப்படி எதிர்கொள்ள வேண்டும் என்று சிந்தித்து தலையை புண்ணாக்க வேண்டியதில்ல. டென்சனே தேவையில்லை.
ஒரு சிகரெட்டை பற்ற வைத்தால் போதும். தீக்குச்சியை உரசும் போது கோபத்தை வெளிப்படுத்தலாம், தீக்குச்சி எரிவதை ஒரு வினாடி ரசித்து அதில் எதிரியின் அழிவைக் கற்பனை செய்து ஆசுவாசப்படலாம், சிகரெட்டை பற்றவைத்து ஊதி தள்ளும் போது பிரச்சனைகளை புகை போல் ஊதித் தள்ளுவதை போல் கற்பனை செய்யலாம். எஞ்சிய துண்டு சிகரெட்ட நசுக்கித் தள்ளி ஆத்திரத்தை தீர்த்துக்கொள்ளலாம்.
புகைப்பதை நிறுத்த 10 வெற்றிகரமான வழிகள்
புகைப்பதை நிறுத்துவதற்கு ஒவ்வொருவருக்கும் தரமான, நல்ல காரணங்கள் இருக்கின்றன. அதில் முதன்மையான காரணம் சுயமரியாதை. முதன்மையான தீய பழக்கங்களில் ஒன்றாக இருக்கும் புகை பிடித்தல் உங்கள் மீதான அபிமானத்தை சக மனிதர்களிடமிருந்து துடைத்துப்போட்டுவிடுகிறது. விலைமதிப்பற்ற செல்வம் ஆரோக்கியம் என்று உலகின் அத்தனை மொழி இலக்கியங்களும் கூறுகின்றன. உங்கள் ஆரோக்கியம் குறித்து நீங்கள் கொள்ளும் அக்கறை; உங்களால் உயர்ந்து செழிக்கும் உங்கள் குடும்பத்துக்கு அரணாக மாறும். ’குழந்தைகளுக்காக’, ‘மனைவிக்காக’, ‘கணவருக்காக’, ‘பெற்றோருக்காக’ எனும் இந்த ஒரு ஒரு காரணம் உங்கள் வாழ்க்கையை மகிழ்ச்சிகுரியதாக மாற்றிவிடும்.
புகைப்பதை நிறுத்த ஒரு தேதியை முடிவுசெய்தபின் அதைப் பின்பற்ற எந்த மனத்தடை வந்தாலும் அதை உடைத்தெறியுங்கள்.புகைப்பதை நிறுத்துவதால் வரும் வேதனைகள் உங்களை வருத்தினாலும் அவற்றைச் சமாளிக்க மன உறுதியே முதன்மையாகத் தேவைப்படுவதால் அதைத் தக்க வைத்துகொள்வதால் அதிவேகமாக அதிலிருந்து உங்களால் விடுபட முடியும். உதாரணத்துக்கு: உங்கள் பற்களில் நிக்கோடின் கறை படிந்திருக்குமானால், பல் மருத்துவரைச் சந்தித்து அதை நீக்கும் சிகிச்சையை எடுத்துகொள்ளுங்கள். புகையிலை நாற்றம் தங்கியிருக்கும் உங்கள் ஆடைகள் அனைத்தையும் சலவைக்குப் போடுங்கள்.
புகைப்பதை நிறுத்தியபின் அதை நினைவூட்டும் எதுவொன்றையும் உங்கள் வீட்டிலோ அலுவலத்திலோ வைத்திருக்காதீர்கள். உதாரணத்துக்கு ‘ஆஷ் ட்ரே’, ‘சிகரெட் ஹோல்டர்கள்’, ‘சிகரெட் லைட்டர்’ என எதுவாக இருந்தாலும் அதை குப்பைத்தொட்டியில் வீசியெறியுங்கள்.
நிகோடீனிலிருந்து உங்களுக்கு முழுமையான் விடுதலை அளிக்க முடிவு செய்துவிட்ட நிலையில், அலுவலம், ஷாப்பிங், திரையரங்கம், பார்ட்டி ஹால் போன்ற பொது இடங்களில் புகை நிறைந்த சூழ்நிலையையும் புகைபிடிக்கும் நண்பர்களையும் அடியோடு தவிர்த்திடுங்கள். நூல் நிலையங்கள், அருங்காட்சியங்கள் போன்ற புகைபிடிப்பதற்கு தடை செய்யப்பட்ட இடங்களுக்குச் செல்லுங்கள்.
சிகரெட், பீடி, பான், குட்கா, மெல்லும் புகையிலை என புகையிலைப் பொருட்களுக்காக நீங்கள் அன்றாடம் செலவழித்து வந்த பணத்தைத் தனியே சேமித்து, ஒரு மாதத்துக்குப் பிறகு அந்தத் தொகையினைக் கணக்கிடுங்கள்! அந்தப் பணத்திலிருந்து உங்களுக்குத் தேவைப்படும் பொருள் ஒன்றை வாங்குங்கள். அல்லது உங்களது அன்புக்குரிய குடும்ப உறுப்பினருக்கு அந்தப் பணத்தில் பயனுள்ள பரிசுப்பொருளை வாங்கிக் கொடுங்கள்.
உங்களுடையது நெடுநாள் பழக்கம் எனில், ஒரு சிகரெட்டைத் தேடும் உணர்வு தோன்றும்போது உங்களைச் சுறுசுறுப்பாக வைத்துக்கொள்ளுங்கள். புகைவேண்டும் என்கிற வேட்கை உங்களை வருத்தும் போது தீங்கற்ற ‘சூயிங்கம்’ ஒன்றை வாயில் போட்டு மெல்லுங்கள். அது நிகோடீன் கொண்ட சூயிங்கமாக இருக்கக் கூடாது என்பது மிக மிக முக்கியம். சூயிங்கம் மெல்லப் பிடிக்காது என்றால், உங்களுக்கு சர்க்கறை நோய் போன்ற உபாதை இல்லை என்றால் ‘மின்ட்’ மிட்டைகளையோ அல்லது மின்ட் இலைகளையோ (புதினா) வாயில் போட்டு மென்று சுவையுங்கள். உணவருந்தியபின் புகைக்கும் பழக்கத்தை ஏற்படுத்திகொண்டிருக்கிறீர்களா? உணவருந்திய பிறகு புகைப்பதற்கு பதிலாக பற்களைத் துலக்கி சுத்தப்படுத்துங்கள்.வேறு வேறு வேலைகளில் உங்களை மடை மாற்றிக்கொள்ளுங்கள்.
புகைப்பதை நிறுத்தி வெற்றிகரமாக சில நாட்களைக் கடந்துவிட்டீர்கள். ஆனால், பணி அழுத்தம், கடமைகள் என பலவித அழுத்தங்களால் நீங்கள் உந்தப்படும் நேரங்களில், ஒரு ஐந்து நிமிடம் மூச்சுப் பயிற்சி செய்து உங்கள் சுவாசத்தை சீராகவும் ஆழமாகவும் மாற்றுங்கள். இப்படி எண்ணம் தோன்றும்போதெல்லாம் நீங்கள் மூச்சுப் பயிற்சி செய்வதன் மூலம், நிக்கோடீனால் பலகீனப்பட்ட நுரையீரலுக்கு புத்துணர்ச்சியைக் கொடுக்கமுடியும். மனம் சிகரெட்டை தேடும் நேரத்தில், அதற்கு பதிலாக தண்ணீரையும் பழச்சாறுகளையும் அருந்துங்கள். தண்ணீரும் பழச்சாறுகளும் உங்கள் உடலை மீட்டுகொண்டுவருவதை உணர்வீர்கள்.
புகைப் பழக்கத்தின் மூலம் பழகீனப்பட்டுக் கிடக்கும் உடலை ஒரு ஸ்திரத் தன்மைக்குக் கொண்டுவர, தினசரி 45 நிமிடம் எளிய உடற்பயிற்சிகளைச் செய்யுங்கள். நடைப்பயிற்சியும் அதன் முடிவில் 15 மூச்சுப் பயிற்சியும் உங்கள் உடலை உறுதியாக்க உதவும். தவிர உங்கள் மருத்துவரிடமும் புகைப்பதை நிறுத்தியபின் என்னென்ன பயிற்சிகளைச் செய்யலாம் என்பதைக் கேட்டுத் தெரிந்துகொள்ளுங்கள். உங்கள் உடல் மெல்ல மெல்ல முன்னேறி வரும்போது உங்களுக்குக் கிடைக்கும் ஆரோக்கியம் கொண்டுவரும் உற்சாகம் தலைசிறந்த விடுதலை உணர்வைக் கொடுக்கும்.
புகை பழக்கத்துடன் மது அருந்தும் பழக்கமும் கொண்டவராக நீங்கள் இருந்தால், இரண்டையும் ஒரே நேரத்தில் விட்டுவிடுவது சிறந்த முடிவு. ஏனென்றால், உங்களுடைய புகைக்கும் ஆசையை மதுபானம் எளிதில் தூண்டிவிடலாம். மது அருந்தவும் பார்ட்டிக்கும் அழைக்கும் நண்பர்கள் கூட்டத்தை தவிருங்கள். புகையிலை எதிர்ப்பு, பாதிப்பு விளம்பரங்களை கூர்ந்து கவனியுங்கள். அவை அனுபவப் பாடங்கள்.
இறுதியாக புகைப்பதற்கு மாற்றாக ஒரு நல்ல பழக்கத்துக்கு அடிமையாக முயற்சி செய்யுங்கள். வாசிப்பது, பாடுவது, வரைவது என உங்களுக்குப் பிடித்தமான நல்ல விஷயத்தில் கவனத்தை திசை திருப்புங்கள். இனி புகையின் பாதையிலிருந்து உங்கள் கால்கள் விலகி மகிழ்ச்சியின் பாதையில் செல்லட்டும்.